نكت على الدكاترة والمرضى

من طرف **Ameenooo** الإثنين مارس 22, 2010 6:33 pm

المريض: مشكلتي يا دكتور انه الكل بيتجاهلني
الدكتور: اللي بعده
***************************
الطبيب:أسنانك بحاجة إلى تقويم
المريض: هجري و لا ميلادي ؟!!
***************************
المريض: يا دكتور أنا بسمع أصوات بس ما بشوف حدا
الدكتور: و إمتى بتسمع هي الأصوات؟
المريض: دايما لما بحكي بالتلفون
***************************
سكرتيرة الدكتور: الحق يا دكتور.. المريض اللي طلع من عندك هلا مات عالباب. شو اعمل؟
الدكتور: اقلبي الجثة مشان يبين كأنه مات و هو لسه بدو يدخل لعندي
***************************
مريض لدكتور نفسي: ألحقني يا دكتور... انا بشوف الأشياء اللي حتحصل في المستقبل
الدكتور: أي لا... و امتى بدت هالمشكلة معك؟
المريض: الخميس الجاي
***************************
المريض حامل علبة فيها حبوب و داخل على الدكتور
المريض: يا دكتور انت وصفتلي هالحبوب مشان صير قوي
الدكتور: صح، شو ما جابو نتيجة؟
المريض: لسه ما بعرف والله، لانه ما فيّ حيل افتح العلبة
***************************
الحقني يا دكتور... نظري صاير ضعيف كتير، باين لازمني نظارات
ـ و انا عم قول هيك كمان، انا صحيح لابس روب ابيض بس هي ملحمة هون مو عيادة
***************************
المريض: طمني يا دكتور.. شو العلاج؟
الدكتور: بنصحك تروح عالبحر الميت و تعمل كم حمام طين
المريض: برأيك هاد شي بفيد؟
الدكتور: لا .. بس هيك بتتعود على الجو تحت الارض
***************************
الطبيب النفسي: ... و عندك قرايب؟ أهل؟
المريض: أخ توأم. الناس كانو دايما يخربطو بيننا، و كان كل ما هو يعمل غلطة يتهموني انا فيها.. بس انا انتقمت منه الاسبوع اللي مضى
الطبيب: كيف؟
المريض: انا متت الاسبوع الماضي بس هوه اللي دفنوه
***************************
المريض: بدي دوا ضد الدود
الصيدلي: للأطفال و لا للبالغين؟
المريض: و شو بيعرفني قديش عمر الدودة؟

من طرف **mr-joker** الثلاثاء مارس 23, 2010 11:54 am

ههههههههههههههههههههههههه

والله روعة اخي يعطيك العافية

من طرف **Ameenooo** الثلاثاء مارس 23, 2010 4:02 pm

الله يعافيك

تقبل مروري

نكت على الدكاترة والمرضى

نكت على الدكاترة والمرضى

رد: نكت على الدكاترة والمرضى

رد: نكت على الدكاترة والمرضى